ប្រឆាំងជំងឺរលាកសន្លាក់ឆ្អឹង តាមរយៈរបបអាហារបែបប្រពៃណីរបស់ប្រទេសដែលមានព្រំប្រទល់ជាប់សមុទ្រមេឌីទែរ៉ាណេ

ទោះបីអ្នកជំនាញមិនបានណែនាំរបបអាហារជាក់លាក់ចំពោះអ្នកជំងឺរលាកសន្លាក់ក៏ដោយ ការជ្រើសរើសអាហារដែលល្អសម្រាប់សុខភាពអាចជួយរក្សាបាននូវទម្ងន់ដែលល្អសម្រាប់សុខភាព។ វាមាន សារៈសំខាន់ចំពោះអ្នកជំងឺរលាកសន្លាក់ឆ្អឹង ដោយសារការលើសទម្ងន់ធ្វើឱ្យបន្ថែមសម្ពាធលើសន្លាក់ និងអាចឱ្យសន្លាក់កាន់តែឈឺឡើងៗ ជាពិសេសនៅជង្គង់ និងត្រកៀក។

មានភស្តុតាងដែលបញ្ជាក់ថារបបអាហារបែបមេឌីទែរ៉ាណេ មានលក្ខណៈសម្បត្តិប្រឆាំងនឹងការរលាក និងមានប្រសិទ្ធភាពក្នុងការបញ្ចុះទម្ងន់ផងដែរ - គុណប្រយោជន៍ទាំង2នេះ មានប្រសិទ្ធភាពគ្រប់គ្រងជំងឺរលាកសន្លាក់ឆ្អឹង។

ក្នុងការសិក្សាដែលប្រៀបធៀបរបបអាហារ និងសុខភាពក្នុងចំនោមបុរស មកពីបណ្ដា 7ប្រទេស ត្រូវបានរកឃើញថា បុរសដែលរស់នៅតំបន់មេឌីទែរ៉ាណេ អឺរ៉ុបខាងត្បូងមានហានិភ័យស្លាប់ដោយជំងឺបេះដូង តិចជាងអ្នកដែលរស់នៅអាមេរិច ឬអឺរ៉ុបខាងជើង។

សមាសធាតុចម្បងនៃរបបអាហារមេឌីទែរ៉ាណេ៖

បរិភោគប្រេងអូលីវច្រើន វាជាប្រភេទខ្លាញ់មិនឆ្អែតម្យ៉ាង (monounsaturated fat) ដែលមិនបង្កើនកម្រិត cholesterol ដូចប្រភេទខ្លាញ់ឆ្អែត (saturated fat) នោះទេ។
បរិភោគផ្លែឈើ បន្លែ នំបុ័ង និងគ្រាប់ធញ្ញជាតិផ្សេងទៀត ដំឡូង សណ្តែកកួរ សណ្តែកបារាំង គ្រាប់សណ្តែកដី និងប្រភេទគ្រាប់ពូជ ឱ្យបានច្រើន។
ការបរិភោគកម្រិតតិចទៅល្មម នូវផលិតផលចម្រាញ់ពីទឹកដោះគោ ត្រី និងបសុបក្សី, ការបរិភោគសាច់ក្រហមតិចតួច។
អាចបរិភោគស៊ុតរហូតដល់ 4ដងក្នុង1 សប្តាហ៍។
ស្រាក្រហម ត្រូវបានគេទទួលទានក្នុងតិចតួចទៅល្មម។

សូមអានការណែនាំជានិច្ច មុនពេលប្រើ

បើចង់បានឱសថមានគុណភាពល្អ សូមទិញឱសថ ដែលមានបិទលតាបត្របញ្ជាក់លេខបញ្ជិកា CAM R4 2712 IP-04 (Panadol 500), CAM R2 0011 IP-10 (Panadol Extra), CAM R2 0012 IP-10 (Panadol Cold&Flu) តាមឱសថស្ថាន ឱសថស្ថានរង ដែលមានច្បាប់ និងស្លាកសញ្ញា Logo របស់ក្រសួងសុខាភិបាល។ ការផ្សព្វផ្សាយនេះត្រូវបានអនុញ្ញាតដោយក្រសួងសុខាភិបាល រួចមកហើយ។

បើមានប្រតិកម្មរំខានរបស់ឱសថ សូមរាយការណ៍មកនាយកដ្ឋានឱសថ តាមរយៈលេខទូរស័ព្ទ 012 673 268/ 089 498 883 ឫអ៊ីម៉ែល pv.center@ezecome.com.kh ឫ website: https://www.ddfcambodia.com/ និងលេខទូរស័ព្ទរបស់ក្រុមហ៊ុន DKSH 067 555 752