ពាក្យ A ទាំង 4 ក្នុងការគ្រប់គ្រងស្ត្រេស

ស្ត្រេសធ្វើឱ្យប៉ះពាល់ទាំងផ្លូវចិត្ត និងផ្លូវកាយ។ ការសិក្សាបង្ហាញថា មនុស្សដែលងាយស្ត្រេស រួមទាំងការថប់អារម្មណ៍ និងបាក់ទឹកចិត្ត គឺទំនងជាឧស្សាហ៍មានបញ្ហាឈឺក្បាលញឹកញាប់។

នៅពេលកម្រិតនៃការស្ត្រេសរបស់អ្នកឡើងហួសសមត្ថភាពក្នុងការទប់ទល់របស់អ្នក នោះអ្នកត្រូវស្តារតុល្យភាពឡើងវិញ ដោយកាត់បន្ថយមូលហេតុនៃការស្ត្រេស បង្កើនសមត្ថភាពទប់ទល់ ឬក៏ត្រូវធ្វើទាំងពីរតែម្ដង។

Asian woman in stress sitting on the bed

ឃ្លាមួយនិយាយថា “អ្នកមិនសមនឹងទទួលបានការខកចិត្ត ឬស្រ្ដេសអំពីបញ្ហាតូចតាចនោះទេ” បានមកពីចំណងជើងសៀវភៅដែលលក់ដាច់ជាងគេរបស់ចិត្តវិទូ Richard Carlson។ នៅក្នុងសៀវភៅ គាត់បានជំរុញអ្នកអានឱ្យកាត់បន្ថយស្ត្រេស តាមរយៈការផ្លាស់ប្តូរជីវិតរស់នៅប្រចាំថ្ងៃរបស់ពួកគេ ដូចជា៖

ធ្វើកិច្ចការតែមួយបានហើយ ក្នុងពេលតែមួយ
រស់នៅក្នុងបច្ចុប្បន្នភាព
ឱ្យអ្នកដ៏ទៃឈ្នះយើងនៅពេលខ្លះ
រស់នៅដោយភាពរីករាយ ប្រដូចទៅនឹងថ្ងៃចុងក្រោយនៃជីវិតរបស់អ្នក

ស្របគ្នាជាមួយនឹងគន្លឹះដ៏មានប្រយោជន៍ទាំងនេះ អ្នកក៏អាចសាកល្បងប្រើពាក្យ A ទាំង 4 ក្នុងការគ្រប់គ្រង ស្រ្តេស៖

Avoid - ជៀសវាងស្ថានភាពដែលអ្នកដឹងថាអាចនឹងធ្វើឱ្យអ្នកស្តេ្រស។ កុំទទួលយកច្រើនពេក ហើយត្រូវចេះនិយាយថា “ទេ’’
Alter - ផ្លាស់ប្តូរស្ថានភាពដែលស្រ្តេស ដោយការប្រាស្រ័យទាក់ទងឱ្យច្បាស់លាស់ពីអ្វីដែលកំពុងរំខានដល់អារម្មណ៍របស់អ្នក។ អ្នកក៏ត្រូវត្រៀមខ្លួនរួចជាស្រេចដើម្បីធ្វើការផ្លាស់ប្តូរមួយចំនួនផងដែរ។
Accept - អ្នកត្រូវទទួលយកការពិត។ កុំខ្ជះខ្ជាយកម្លាំងលើការខឹង ប៉ុន្តែត្រូវរៀនអភ័យទោស។
Adapt - សម្របខ្លួនឱ្យត្រូវនឹងកាលៈទេសៈរបស់អ្នក។ សួរខ្លួនឯងថា “តើរឿងនេះនឹងកើតឡើងមួយឆ្នាំមែន ឬទេ” ប្រសិនបើចម្លើយគឺទេ អ្នកនឹងមើលឃើញស្ថានភាពខុសប្លែកពីគ្នា។

ជាមួយនឹងគន្លឹះក្នុងការគ្រប់គ្រងស្ត្រេសទាំងនេះ អ្នកអាចគ្រប់គ្រងស្ត្រេសបានកាន់តែល្អ និងធ្វើឱ្យជីវិតរបស់អ្នកមានតុល្យភាព។

side view portrait Asian woman breathing in the woods

សូមអានការណែនាំជានិច្ច មុនពេលប្រើ

បើចង់បានឱសថមានគុណភាពល្អ សូមទិញឱសថ ដែលមានបិទលតាបត្របញ្ជាក់លេខបញ្ជិកា CAM R4 2712 IP-04 (Panadol 500), CAM R2 0011 IP-10 (Panadol Extra), CAM R2 0012 IP-10 (Panadol Cold&Flu) តាមឱសថស្ថាន ឱសថស្ថានរង ដែលមានច្បាប់ និងស្លាកសញ្ញា Logo របស់ក្រសួងសុខាភិបាល។ ការផ្សព្វផ្សាយនេះត្រូវបានអនុញ្ញាតដោយក្រសួងសុខាភិបាល រួចមកហើយ។

បើមានប្រតិកម្មរំខានរបស់ឱសថ សូមរាយការណ៍មកនាយកដ្ឋានឱសថ តាមរយៈលេខទូរស័ព្ទ 012 673 268/ 089 498 883 ឫអ៊ីម៉ែល pv.center@ezecome.com.kh ឫ website: https://www.ddfcambodia.com/ និងលេខទូរស័ព្ទរបស់ក្រុមហ៊ុន DKSH 067 555 752