តើខ្ញុំអាចប្រើ Panadol ជាមួយឱសថផ្សេងទៀតបានដែរ ឬទេ?
មិនច្បាស់ក្នុងចិត្តថា តើអ្នកអាចប្រើ Panadol យ៉ាងមានសុវត្ថិភាពជាមួយឱសថផ្សេងទៀតមែនទេ?សូមស្វែងយល់បន្ថែមអំពីការប្រើ Panadol រួមជាមួយឱសថទូទៅផ្សេងទៀតក្នុងពេលតែមួយ ដោយមើលតាមការណែនាំដ៏សាមញ្ញរបស់យើង។
តើមានសុវត្ថិភាពទេក្នុងការប្រើ Panadol និង Nurofen ជាមួយគ្នា?
Panadol និង Nurofen ទាំងពីរមុខនេះគឺជាឱសថបន្ថយការឈឺចាប់ទូទៅដែលអាចទិញបានដោយមិនចាំបាច់មានវេជ្ជបញ្ជា ប៉ុន្តែពួកវាបញ្ចេញសកម្មភាពតាមរបៀបផ្សេងគ្នា ហើយមានសារធាតុផ្សំផ្សេងគ្នា។
សមាសធាតុផ្សំចម្បង ឬ ‘សកម្ម ’ក្នុង Panadol គឺ paracetamol ដែលជាឱសថបន្ថយការឈឺចាប់ទូទៅមួយ។I វាត្រូវបានគេប្រើយ៉ាងល្អបំផុតសម្រាប់ព្យាបាលការឈឺចាប់ពីកម្រិតស្រាលទៅមធ្យម – ដូចជាឈឺក្បាល រោគសញ្ញាផ្តាសាយនិងគ្រុនផ្តាសាយ ឬឈឺធ្មេញ ឬឈឺសាច់ដុំ ព្រមទាំងប្រើសម្រាប់ជួយបន្ថយគ្រុនក្តៅផងដែរ។ ii, iii
សមាសធាតុផ្សំសកម្មក្នុង Nurofen គឺ ibuprofen ដែលជាឱសថប្រឆាំងការរលាកមិនមែនស្តេរ៉ូអ៊ីត (NSAID)។I, iv នេះមានន័យថា Nurofen និងឱសថផ្សេងទៀតក្នុងក្រុម NSAIDs ទាំងអស់ អាចជួយបន្ថយការរលាកព្រមទាំងបន្ធូរការឈឺចាប់ ដូច្នោះហើយ វាត្រូវបានគេប្រើយ៉ាងល្អបំផុតសម្រាប់ព្យាបាលជំងឺដែលអាចបង្កឱ្យមានហើម ឬរលាក – ដូចជារបួស រលាកសន្លាក់ ឬឈឺចាប់ពេលមករដូវជាដើម។I, iv
ដូចនេះ តើអ្នកអាចប្រើ ibuprofen និង Panadol ក្នុងពេលជាមួយគ្នាបានដែរ ឬទេ?
បើនិយាយឱ្យស្រួលស្តាប់៖ គឺអ្នកអាចប្រើរួមគ្នាបាន។ ប្រសិនបើអ្នកមានអាយុលើសពី16ឆ្នាំជាទូទៅគេបានគិតថាវា មាន សុវត្ថិភាពក្នុងការប្រើឱសថដែលមានផ្ទុក ibuprofen និង Panadol ក្នុងពេលជាមួយគ្នា ពីព្រោះមិនមានភ័ស្តុតាងដែល អះអាងថាឱសថ ទាំងពីរនេះមានផលបង្កគ្រោះថ្នាក់ណាមួយនៅពេលដែលវាមានអន្តរអំពើនៅក្នុងរាងកាយឡើយ។v
តាមពិតទៅការស្រាវជ្រាវបង្ហាញថាការប្រើ Panadol និងឱសថដែលមានផ្ទុក ibuprofenប្រើជាមួយគ្នាអាចកាន់តែផ្តល់ភាពធូរ ស្បើយយ៉ាងមានប្រសិទ្ធភាពសម្រាប់ការឈឺចាប់មួយចំនួនជាជាងការប្រើឱសថតែមួយប្រភេទក្នុងចំណោមឱសថទាំងពីរ។ vi
ទោះជាយ៉ាងណាក៏ដោយ ជាការសំខាន់ត្រូវកត់សម្គាល់ថាការប្រើ Panadol និង Nurofen ជាមួយគ្នាគឺមិនត្រូវបានណែនាំ សម្រាប់ កុមារឡើយ លើកលែងតែជាការណែនាំពីអ្នកជំនាញវេជ្ជសាស្រ្ត។vii
ប្រសិនបើអ្នកមានចម្ងល់ថា តើអ្នកអាចប្រើផ្សំគ្នារវាង Panadol និង ibuprofen (ឬឱសថណាមួយផ្សេងទៀត) ដើម្បីព្យាបាល ការឈឺចាប់របស់អ្នកបាន ឬអត់នោះ សូមសាកសួរគ្រូពេទ្យ ឬឱសថការីរបស់អ្នក។ ពួកគេជាបុគ្គលប្រកបដោយចំណេះដឹងដ៏ប្រសើរក្នុងការឱ្យយោបល់អ្នកអំពីហានិភ័យខ្លាំងក្លា ឬផលរំខានផ្សេងៗនៃការប្រើ Panadol ជាមួយឱសថមួយផ្សេងទៀត។
សូមអានការណែនាំអំពីកម្រិតប្រើនៅលើបរិយាយប័ណ្ណឱសថមុនពេលប្រើ Panadol ឬឱសថណាមួយផ្សេងទៀតជានិច្ច។
ផ្ដល់ភាពធូរស្បើយពីការឈឺចាប់ប្រចាំថ្ងៃជាមួយនឹងឱសថ Panadol
សូមស្វែងរកឱសថបន្ថយការឈឺចាប់ប្រចាំថ្ងៃ Panadol គ្រប់ប្រភេទនៅថ្ងៃនេះហើយស្វែងរកប្រភេទដែលសក្តិសមសម្រាប់ អ្នក។
ប្រភេទនៃឱសថបន្ថយការឈឺចាប់ – សង្ខេប
- Paracetamol & Aspirin - អាចទិញបានដោយមិនចាំបាច់មានវេជ្ជបញ្ជា។ បន្ថយការឈឺចាប់ និងគ្រុនក្តៅii
- NSAIDs- អាចទិញបានដោយមិនចាំបាច់មានវេជ្ជបញ្ជា។ បន្ថយការឈឺចាប់ គ្រុនក្តៅ និងបំបាត់ការរលាក iv
- Codeine - អាចទិញបានដោយត្រូវមានវេជ្ជបញ្ជា។ បន្ថយការឈឺចាប់ធ្ងន់ធ្ងរ មានរយៈពេលយូរ xv
តើខ្ញុំអាចប្រើ Panadol រួមជាមួយឱសថប្រភេទ NSAIDs ផ្សេងទៀតបានដែរ ឬទេ?
ក្នុងករណីជាច្រើន ការប្រើ Panadol ជាមួយឱសថបន្ថយការឈឺចាប់ប្រឆាំងការរលាកផ្សេងទៀត (រួមទាំង Nurofen/ibuprofen) គឺមានសុវត្ថិភាព នៅពេលដែលឱសថទាំងពីរត្រូវបានប្រើតែមួយ ក្នុងកម្រិតដែលបានណែនាំ (ដូចតាមការណែនាំនៅលើបរិយាយប័ណ្ណឱសថ លើកលែងតែត្រូវបានបញ្ជាក់ច្បាស់ផ្សេងទៀតពីគ្រូពេទ្យ ឬឱសថការីរបស់អ្នក)។
ជាឧទាហរណ៍ Panadol អាចនឹងត្រូវបានគេប្រើយ៉ាងមានប្រសិទ្ធភាពរួមជាមួយឱសថប្រភេទ NSAIDs ដូចខាងក្រោម៖
- Voltaren (ជែលលាបលើស្បែកសម្រាប់បន្ថយការឈឺចាប់សន្លាក់ និងសាច់ដុំ)។ សារធាតុផ្សំសកម្មរបស់ Voltaren គឺ diclofenac sodium, ជាប្រភេទឱសថ NSAID ដែលជួនកាលត្រូវបានណែនាំឱ្យប្រើរួមគ្នាជាមួយឱសថមានធាតុផ្សំពី paracetamol ដែលមានដូចជា Panadol ជាដើម។vii, ix
- Ponstan (ឱសថបន្ថយការឈឺចាប់ពេលមករដូវ)។ សារធាតុផ្សំសកម្មរបស់ Ponstan គឺ mefenamic acid មិនត្រូវបានគេដឹងថាមានអន្តរកម្មប្រកបដោយគ្រោះថ្នាក់ នៅពេលប្រើរួមជាមួយ paracetamolទេ។ ទោះជាយ៉ាងណាក៏ដោយ អ្នកគួរនិយាយទៅកាន់គ្រូពេទ្យរបស់អ្នកមុនពេលប្រើ Panadol រួមគ្នាជាមួយឱសថដែលផ្សំដោយ mefenamic acid ។x, xi
- Naprogesic (ឱសថបន្ថយការឈឺចាប់ពេលមករដូវ)។ សារធាតុផ្សំសកម្មរបស់ Naprogesic គឺ naproxen ដែលជួនកាលត្រូវបានណែនាំឱ្យប្រើរួមជាមួយ paracetamol (សម្រាប់រយៈពេលខ្លីតែប៉ុណ្ណោះ)។xii, xiii
ជាទូទៅឱសថទាំងនេះត្រូវបានគេស្គាល់ថាមានសុវត្ថិភាពពេលប្រើរួមជាមួយ Panadol ដើម្បីជួយផ្តល់ប្រសិទ្ធភាពកាន់តែខ្លាំងដើម្បីបន្ធូរការឈឺចាប់ តែអ្នកគួរតែពិគ្រោះជាមួយវេជ្ជបណ្ឌិត ឬឱសថការីរបស់អ្នកជានិច្ចសម្រាប់ព័ត៌មានបន្ថែម មុនពេលប្រើឱសថណាមួយខាងលើនេះរួមគ្នាជាមួយនឹង Panadol។
តើខ្ញុំអាចប្រើ Panadol ជាមួយឱសថបន្ថយការឈឺចាប់ទូទៅផ្សេងទៀតបានដែរ ឬទេ?
ដោយហេតុថាវាផ្សំឡើងពី paracetamol ដូចនេះ Panadol ក៏អាចត្រូវបានណែនាំដោយគ្រូពេទ្យ ឬឱសថការីរបស់អ្នកដើម្បីប្រើរួមជាមួយឱសថបន្ថយការឈឺចាប់ទូទៅដូចខាងក្រោម៖
- Aspirin: ឱសថបន្ថយការឈឺចាប់ទូទៅដែលអាចទិញបានដោយមិនចាំបាច់មានវេជ្ជបញ្ជា ត្រូវបានប្រើដើម្បីបន្ថយការឈឺចាប់បណ្តាលដោយការឈឺក្បាល ឈឺធ្មេញ ឈឺចាប់ពេលមានរដូវ ឬរោគសញ្ញាផ្តាសាយនិងគ្រុនផ្តាសាយ។ Aspirin ក៏អាចប្រើដើម្បីជួយបន្ថយគ្រុនក្តៅ ប៉ុន្តែជាទូទៅត្រូវបានណែនាំឱ្យប្រើសម្រាប់អ្នកដែលមានអាយុលើសពី 16ឆ្នាំ តែប៉ុណ្ណោះ។xiv, xv
- Codeine: ឱសថបន្ថយការឈឺចាប់ទូទៅដែលអាចទិញបានដោយត្រូវមានវេជ្ជបញ្ជា ជាធម្មតាត្រូវប្រើដើម្បីព្យាបាលការឈឺចាប់ធ្ងន់ធ្ងរ ឬការឈឺជាប់ជាប្រចាំ នៅពេលដែលការប្រើឱសថបន្ថយការឈឺចាប់ប្រចាំថ្ងៃផ្សេងទៀត (ដូចជា paracetamol, ibuprofen ឬ aspirin) មិនទទួលបានប្រសិទ្ធភាព។ xv
ចូរពិគ្រោះជាមួយគ្រូពេទ្យ ឬឱសថការី មុនពេលប្រើឱសថខាងលើ។ ត្រូវអនុវត្តតាមការណែនាំអំពីកម្រិតប្រើដែលមានក្នុងបរិយាយប័ណ្ណឱសថជានិច្ច។
តើខ្ញុំអាចប្រើ Panadol ជាមួយឱសថដែលផ្សំពី Paracetamol បានដែរឬទេ?
ទេ មិនមានការណែនាំឱ្យអ្នកប្រើ Panadol ជាមួយឱសថណាមួយផ្សេងទៀតដែលផ្សំពី paracetamol។ii
Panadol និងគ្រឿងស្រវឹង
អ្នកគួរតែពិគ្រោះជាមួយគ្រូពេទ្យរបស់អ្នកជានិច្ចប្រសិនបើអ្នកទទួលទានគ្រឿងស្រវឹងជាប្រចាំ។ ករណីនៃវិបត្តិមុខងារថ្លើម និងការខូចថ្លើម ត្រូវបានគេរាយការណ៍ចំពោះអ្នកជំងឺដែលជាអ្នកទទួលទានគ្រឿងស្រវឹងច្រើនរ៉ាំរ៉ៃ។
សូមអានការណែនាំជានិច្ច មុនពេលប្រើ
បើចង់បានឱសថមានគុណភាពល្អ សូមទិញឱសថ ដែលមានបិទលតាបត្របញ្ជាក់លេខបញ្ជិកា CAM R4 2712 IP-04 (Panadol 500), CAM R2 0011 IP-10 (Panadol Extra), CAM R2 0012 IP-10 (Panadol Cold&Flu) តាមឱសថស្ថាន ឱសថស្ថានរង ដែលមានច្បាប់ និងស្លាកសញ្ញា Logo របស់ក្រសួងសុខាភិបាល។ ការផ្សព្វផ្សាយនេះត្រូវបានអនុញ្ញាតដោយក្រសួងសុខាភិបាល រួចមកហើយ។
បើមានប្រតិកម្មរំខានរបស់ឱសថ សូមរាយការណ៍មកនាយកដ្ឋានឱសថ តាមរយៈលេខទូរស័ព្ទ 012 673 268/ 089 498 883 ឫអ៊ីម៉ែល pv.center@ezecome.com.kh ឫ website: https://www.ddfcambodia.com/ និងលេខទូរស័ព្ទរបស់ក្រុមហ៊ុន DKSH 067 555 752
អត្ថបទដែលជាប់ពាក់ព័ន្ធ
និងការបន្ថយការឈឺចាប់
រោគសញ្ញាចំពោះមនុស្សពេញវ័យ
និងការបន្ថយការឈឺចាប់
សូមអានការណែនាំដែលមានលើប្រអប់ថ្នាំជានិច្ច មុនពេលប្រើប្រាស់ឱសថរបស់ពួកយើង។ សូមប្រើតាមកម្រិតដែលបានណែនាំតែប៉ុណោ្ណះ។ សម្រាប់បន្ថយការឈឺចាប់ និងគ្រុនក្តៅបណ្តោះអាសន្ន។ ការប្រើប្រាស់មិនត្រឹមត្រូវអាចបង្កគ្រោះថ្នាក់។ សូមប្រឹក្សាជាមួយគ្រូពេទ្យរបស់អ្នកប្រសិនបើរោគសញ្ញានៅបន្តកើតមាន។
ព័ត៌មានដែលមានក្នុងគេហទំព័រនេះគឺសម្រាប់តែប្រជាជនកម្ពុជាប៉ុណ្ណោះ។
PM-KH-PAN-22-00042
